Xəbərlər

Sumqayıt KOBİM tərəfindən "Təbii resursların səmərəli istifadəsi və bərpa olunan resurslar" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Təbii resursların səmərəli istifadəsi və bərpa olunan resurslar" mövzusunda təlim keçirilib. Oktyabrın 19-da təşkil olunan təlimdə Sumqayıt KOBİM-in eksperti tərəfindən təbii resursların idarə olunması və səmərəli istifadəsi yolları, bərpa olunan enerji mənbələrinin tətbiqi, resursların təkrar emalı və tullantıların azaldılması, və davamlı inkişaf strategiyalarının qurulması barədə məlumat verilib. Eyni zamanda 6 nəfər iştirakçının olduğu təlimdə karbon emissiyasının azaldılması, bərpa olunan resurslara keçid strategiyaları, su və enerji resurslarının optimallaşdırılması, və dövrü iqtisadiyyat modelləri ilə resurslardan səmərəli istifadə barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.