Xəbərlər

Sumqayıt KOBİM tərəfindən "Satışda sövdələşmə və razılaşma bacarıqları" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Satışda sövdələşmə və razılaşma bacarıqları" mövzusunda təlim keçirilib. Noyabrın 15-də təşkil olunan təlimdə Sumqayıt KOBİM-in eksperti tərəfindən effektiv ünsiyyət strategiyaları, müştəri ehtiyaclarının təhlili, qarşılıqlı faydalı razılaşma metodları və etirazların idarə olunması barədə məlumat verilib. Eyni zamanda 6 nəfər iştirakçının olduğu təlimdə inandırıcılıq texnikaları və uzunmüddətli əməkdaşlıq üçün güvən yaradılması prinsipləri barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.