Xəbərlər

Sumqayıt KOBİM tərəfindən "Maliyyənin idarə edilməsi. Biznesdə alternativ maliyyələşmə növləri" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Maliyyənin idarə edilməsi. Biznesdə alternativ maliyyələşmə növləri" mövzusunda təlim keçirilib. Oktyabrın 25-də təşkil olunan təlimdə Sumqayıt KOBİM-in eksperti tərəfindən biznesin maliyyə resurslarının effektiv idarə edilməsi, büdcənin optimallaşdırılması və maliyyə qərarlarının qəbul olunması barədə məlumat verilib. Eyni zamanda 7 nəfər iştirakçının olduğu təlimdə ənənəvi bank kreditlərindən kənar maliyyələşmə üsulları, məsələn, investisiya fondları, cəmiyyət maliyyələşməsi (crowdfunding), biznes mələkləri və risk kapitalı kimi vasitələr barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.