Xəbərlər

Sumqayıt KOBİM tərəfindən "Effektiv satış texnikaları. Məhsulların satışının təşkili" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Effektiv satış texnikaları. Məhsulların satışının təşkili" mövzusunda təlim keçirilib. Noyabrın 5-də təşkil olunan təlimdə Sumqayıt KOBİM-in eksperti tərəfindən effektiv satış texnikaları, müştəri ehtiyaclarının analizi, məhsulların təqdimat strategiyaları və satış prosesinin optimallaşdırılması barədə məlumat verilib. Eyni zamanda 5 nəfər iştirakçının olduğu təlimdə satışın psixologiyası və müştəri ilə etibarlı əlaqələrin qurulması, danışıqlar aparma bacarıqları və işçi etirazlarının idarə edilməsi, satış sonrası xidmət və müştəri məmnuniyyətinin təmin edilməsi, rəqəmsal alətlər və analitika ilə satışların təkmilləşdirilməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.