Xəbərlər

Sumqayıt KOB İnkişaf Mərkəzi (KOBİM) tərəfindən "Yaşıl texnologiyalar" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Yaşıl texnologiyalar" mövzusunda təlim keçirilib. Oktyabrın 19-da təşkil olunan təlimdə Sumqayıt KOBİM-in eksperti tərəfindən yaşıl texnologiyaların tətbiq sahələri və üstünlükləri, enerji effektivliyi artıran innovativ həllər, davamlı istehsal və istehlak texnologiyaları, və ətraf mühitə təsiri azaltmaq üçün ekoloji texnologiyaların rolu barədə məlumat verilib. Eyni zamanda 6 nəfər iştirakçının olduğu təlimdə bərpa olunan enerji texnologiyalarının inkişafı, ağıllı şəhər və ekoloji nəqliyyat sistemləri, və istehsalatda tullantıların minimallaşdırılması üçün yaşıl texnologiyaların istifadəsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.