Xəbərlər

Sumqayıt KOB İnkişaf Mərkəzi (KOBİM) tərəfindən "Xidmət sektorunda PESTEL analizin rolu" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Xidmət sektorunda PESTEL analizin rolu" mövzusunda təlim keçirilib. Oktyabrın 30-da təşkil olunan təlimdə Sumqayıt KOBİM-in eksperti tərəfindən xidmət sektorunda PESTEL analizinin (siyasi, iqtisadi, sosial, texnoloji, ekoloji və hüquqi amillərin analizi) strateji planlaşdırmada əhəmiyyəti barədə məlumat verilib. Eyni zamanda 6 nəfər iştirakçının olduğu təlimdə PESTEL analizinin müştəri ehtiyacları və bazar tendensiyaları üzərindəki təsirinin dərinliyi, risklərin müəyyənləşdirilməsi və müəssisənin uzunmüddətli strategiyalarının inkişafı barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.