Xəbərlər

Sumqayıt KOB İnkişaf Mərkəzi (KOBİM) tərəfindən "Vergi ödəmələrinin planlaşdırılması" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Vergi ödəmələrinin planlaşdırılması" mövzusunda təlim keçirilib. Noyabrın 6-da təşkil olunan təlimdə Sumqayıt KOBİM-in eksperti tərəfindən vergi öhdəliklərinin təhlili, gəlir və xərclərin optimallaşdırılması, qanunvericiliyə uyğun vergi güzəştlərinin tətbiqi barədə məlumat verilib. Eyni zamanda 5 nəfər iştirakçının olduğu təlimdə vergi ödəmə cədvəlinin hazırlanması, risklərin idarə edilməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.