Xəbərlər

Sumqayıt KOB İnkişaf Mərkəzi (KOBİM) tərəfindən "SWOT analiz" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "SWOT analiz" mövzusunda təlim keçirilib. Noyabrın 16-da təşkil olunan təlimdə Sumqayıt KOBİM-in eksperti tərəfindən təşkilatın güclü tərəfləri (Strengths), zəif tərəfləri (Weaknesses), imkanları (Opportunities) və təhdidləri (Threats), onların müəyyən edilməsi və analizi barədə məlumat verilib. Eyni zamanda 6 nəfər iştirakçının olduğu təlimdə bu analizin strateji planlaşdırmada rolu, rəqabət üstünlüklərinin artırılması və risklərin idarə olunması üçün tətbiq metodları barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.