Xəbərlər

Sumqayıt KOB İnkişaf Mərkəzi (KOBİM) tərəfindən "Sosial sahibkarlıq" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Sosial sahibkarlıq" mövzusunda təlim keçirilib. Oktyabrın 20-də təşkil olunan təlimdə Sumqayıt KOBİM-in eksperti tərəfindən sosial sahibkarlığın əsas prinsipləri və məqsədləri, cəmiyyətə təsir edən biznes modellərinin qurulması barədə məlumat verilib. Eyni zamanda 8 nəfər iştirakçının olduğu təlimdə sosial dəyər yaratmaq üçün resursların effektiv istifadəsi, və sosial sahibkarlıqda davamlılıq və maliyyə mənbələrinin idarə edilməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.