Xəbərlər

Sumqayıt KOB İnkişaf Mərkəzi (KOBİM) tərəfindən "Sosial problemin həlli üçün innovativ yanaşmalar" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Sosial problemin həlli üçün innovativ yanaşmalar" mövzusunda təlim keçirilib. Oktyabrın 29-da təşkil olunan təlimdə Sumqayıt KOBİM-in eksperti tərəfindən sosial problemlərin həllində innovativ yanaşmaların tətbiqi, texnologiyanın və kreativ fikirlərin rolu barədə məlumat verilib. Eyni zamanda 6 nəfər iştirakçının olduğu təlimdə icma əsaslı həllərin, əməkdaşlıq və iştirakçılıq prinsipinin əhəmiyyəti barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.