Xəbərlər

Sumqayıt KOB İnkişaf Mərkəzi (KOBİM) tərəfindən "Sərgi və yarmarkaların düzgün təşkili" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Sərgi və yarmarkaların düzgün təşkili" mövzusunda təlim keçirilib. Oktyabrın 15-də təşkil olunan təlimdə Sumqayıt KOBİM-in eksperti tərəfindən sərgi və yarmarkaların planlaşdırılması, ideyanın müəyyən edilməsi, məkan seçimi və marketinq strategiyaları barədə məlumat verilib. Eyni zamanda 7 nəfər iştirakçının olduğu təlimdə loqistika və təhlükəsizlik tədbirləri, iştirakçı və ziyarətçilərin idarə olunması, texniki təchizatın təmin edilməsi və nəticələrin təhlili barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.