Xəbərlər

Sumqayıt KOB İnkişaf Mərkəzi (KOBİM) tərəfindən "Satış psixologiyası" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Satış psixologiyası" mövzusunda təlim keçirilib. Noyabrın 26-da təşkil olunan təlimdə Sumqayıt KOBİM-in eksperti tərəfindən satış psixologiyasının əsas prinsipləri, müştəri ehtiyaclarını və emosiyalarını anlama, etimad qurma və müştəri ilə etibarlı münasibət, emosional qərar qəbul etmənin rolu barədə məlumat verilib. Eyni zamanda 5 nəfər iştirakçının olduğu təlimdə təklifin dəyərini vurğulama, müştəriyə təzyiq yaratmama, aktiv dinləmə və müştəriyə fokuslanma, psixoloji ehtiyacları anlamaq barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.