Xəbərlər

Sumqayıt KOB İnkişaf Mərkəzi (KOBİM) tərəfindən "Rəqəmsal inkişaf - yaşıl texnoloq" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Rəqəmsal inkişaf - yaşıl texnoloq" mövzusunda təlim keçirilib. Noyabrın 26-da təşkil olunan təlimdə Sumqayıt KOBİM-in eksperti tərəfindən rəqəmsal transformasiya və yaşıl iqtisadiyyatın əlaqəsi, yaşıl texnologiyaların kənd təsərrüfatı və sənayedə tətbiqi, enerji səmərəliliyinin artırılması üçün rəqəmsal alətlər, iqlim dəyişikliklərinə qarşı mübarizədə texnoloji yeniliklər, ağıllı şəhərlər və yaşıl infrastrukturlar barədə məlumat verilib. Eyni zamanda 8 nəfər iştirakçının olduğu təlimdə yenilənə bilən enerji sistemlərinin rəqəmsal idarə edilməsi, data analitikası və ekoloji göstəricilərin monitorinqi, elektron tullantıların idarə edilməsi və təkrar istifadəsi, yaşıl texnologiyalar üçün rəqəmsal həllərin inkişafı, gələcəyin yaşıl iqtisadiyyatı: rəqəmsal texnologiyalar və ekoloji davamlılıq barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.