Xəbərlər

Sumqayıt KOB İnkişaf Mərkəzi (KOBİM) tərəfindən "Layihələrdə zamanın idarəedilməsi" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Layihələrdə zamanın idarəedilməsi" mövzusunda təlim keçirilib. Oktyabrın 23-də təşkil olunan təlimdə Sumqayıt KOBİM-in eksperti tərəfindən layihələrdə vaxtın optimallaşdırılması üsulları, prioritetlərin müəyyən edilməsi və işlərin öncəliyinə görə planlaşdırılması barədə məlumat verilib. Eyni zamanda 7 nəfər iştirakçının olduğu təlimdə vaxt itirən amillərin aradan qaldırılması, Gantt cədvəli kimi zaman idarəetmə alətlərinin istifadəsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.