Xəbərlər

Sumqayıt KOB İnkişaf Mərkəzi (KOBİM) tərəfindən "Natiqlik və ünsiyyət bacarıqları" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Natiqlik və ünsiyyət bacarıqları" mövzusunda təlim keçirilib. Noyabrın 17-də təşkil olunan təlimdə Sumqayıt KOBİM-in eksperti tərəfindən nitq strukturunun qurulması, auditoriya ilə effektiv əlaqənin yaradılması, bədən dili və səs tonundan düzgün istifadə, inandırıcı və təsirli çıxış üsulları barədə məlumat verilib. Eyni zamanda 9 nəfər iştirakçının olduğu təlimdə ünsiyyət maneələrinin aradan qaldırılması və nitqin aydın və anlaşılan şəkildə çatdırılması barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.