Xəbərlər

Sumqayıt KOB İnkişaf Mərkəzi (KOBİM) tərəfindən "Nağd pul axını və idarəetmə" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Nağd pul axını və idarəetmə" mövzusunda təlim keçirilib. Oktyabrın 15-də təşkil olunan təlimdə Sumqayıt KOBİM-in eksperti tərəfindən nağd pul axınının planlaşdırılması və proqnozlaşdırılması, maliyyə hesabatlarının təhlili və idarə edilməsi, büdcənin idarə olunması, və pul axınının optimallaşdırılması barədə məlumat verilib. Eyni zamanda 5 nəfər iştirakçının olduğu təlimdə nağd pul axınının effektiv idarə edilməsi üsulları, pul axını proqnozlarının hazırlanması, nağd vəsaitlərin balansının saxlanması, və iş kapitalının idarə edilməsi strategiyaları barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.