Xəbərlər

Sumqayıt KOB İnkişaf Mərkəzi (KOBİM) tərəfindən "Müştəri ehtiyaclarını anlama" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Müştəri ehtiyaclarını anlama" mövzusunda təlim keçirilib. Noyabrın 25-də təşkil olunan təlimdə Sumqayıt KOBİM-in eksperti tərəfindən müştəri davranışlarının analiz edilməsi, ehtiyacların təhlili və prioritetləşdirilməsi, hədəf bazarının müəyyənləşdirilməsi barədə məlumat verilib. Eyni zamanda 7 nəfər iştirakçının olduğu təlimdə məhsul və xidmətlərin müştəri ehtiyaclarına uyğunlaşdırılması, müştəri məmnuniyyətinin ölçülməsi, müştəri əlaqələrinin idarə edilməsi, müştəri ehtiyaclarına yönəlmiş marketinq strategiyaları barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.