Xəbərlər

Sumqayıt KOB İnkişaf Mərkəzi (KOBİM) tərəfindən "Münasibətlər və münaqişələr" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Münasibətlər və münaqişələr" mövzusunda təlim keçirilib. Oktyabrın 20-də təşkil olunan təlimdə Sumqayıt KOBİM-in eksperti tərəfindən münasibətlərdə effektiv ünsiyyət və empatiyanın rolu, münaqişələrin səbəblərinin müəyyən edilməsi və idarə olunması üsulları barədə məlumat verilib. Eyni zamanda 6 nəfər iştirakçının olduğu təlimdə emosional intellektin münasibətlərdə tətbiqi, və münaqişə zamanı konstruktiv həll yollarının qurulması barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.