Xəbərlər

Sumqayıt KOB İnkişaf Mərkəzi (KOBİM) tərəfindən "Məhsul strategiyası" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Məhsul strategiyası" mövzusunda təlim keçirilib. Noyabrın 21-də təşkil olunan təlimdə Sumqayıt KOBİM-in eksperti tərəfindən məhsul inkişafı və bazar tələblərinə uyğunlaşdırılması, məhsul həyat dövrü və onun idarə edilməsi, rəqabət üstünlüyü yaratmaq üçün məhsul fərqləndirilməsi barədə məlumat verilib. Eyni zamanda 6 nəfər iştirakçının olduğu təlimdə məhsul portfelinin idarə olunması və diversifikasiya, məhsulun qiymət strategiyası və mövqeyinin müəyyənləşdirilməsi, məhsulun təşviqi və müştəri əlaqələrinin qurulması barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.