Xəbərlər

Sumqayıt KOB İnkişaf Mərkəzi (KOBİM) tərəfindən "İnandırma və təsir bacarıqları" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "İnandırma və təsir bacarıqları" mövzusunda təlim keçirilib. Noyabrın 17-də təşkil olunan təlimdə Sumqayıt KOBİM-in eksperti tərəfindən effektiv kommunikasiya üsulları, emosional zəka ilə güvən yaradılması, dinləmə bacarıqları və psixoloji təsir texnikaları barədə məlumat verilib. Eyni zamanda 9 nəfər iştirakçının olduğu təlimdə inandırıcı arqumentlərin qurulması və qərarverməyə təsir göstərmək üçün praktiki yanaşmalar barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.