Xəbərlər

Sumqayıt KOB İnkişaf Mərkəzi (KOBİM) tərəfindən "İdeyaların formalaşması və milli dəb" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "İdeyaların formalaşması və milli dəb" mövzusunda təlim keçirilib. Oktyabrın 22-də təşkil olunan təlimdə Sumqayıt KOBİM-in eksperti tərəfindən yaradıcılığın inkişafı və ideyaların formalaşması yolları, milli dəbin tarixçəsi və inkişaf istiqamətləri barədə məlumat verilib. Eyni zamanda 8 nəfər iştirakçının olduğu təlimdə mədəniyyət və dəbin qarşılıqlı təsiri, və milli üslubun müasir modada əks olunması barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.