Xəbərlər

Sumqayıt KOB İnkişaf Mərkəzi (KOBİM) tərəfindən "Hüquqi şəxslərin yaradılması və qeydiyyatı" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Hüquqi şəxslərin yaradılması və qeydiyyatı" mövzusunda təlim keçirilib. Noyabrın 22-də təşkil olunan təlimdə Sumqayıt KOBİM-in eksperti tərəfindən hüquqi şəxs anlayışı və növləri (məsələn, məhdud məsuliyyətli cəmiyyət, səhmdar cəmiyyəti), hüquqi şəxs yaratmaq üçün tələb olunan sənədlər və prosedurlar, hüquqi şəxsin qeydiyyat prosesi və dövlət orqanları ilə əlaqə barədə məlumat verilib. Eyni zamanda 5 iştirakçının olduğu təlimdə hüquqi şəxsin fəaliyyətə başlaması üçün tələb olunan icazələr və lisenziyalar, hüquqi şəxsin vergi və maliyyə qeydiyyatı, hüquqi şəxsin hüquqi statusunun qorunması və müvafiq qanunvericiliyə uyğun fəaliyyəti barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.