Xəbərlər

Sumqayıt KOB İnkişaf Mərkəzi (KOBİM) tərəfindən "Həştəqlər reklamların effektiv idarə olunması" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Həştəqlər reklamların effektiv idarə olunması" mövzusunda təlim keçirilib. Noyabrın 22-də təşkil olunan təlimdə Sumqayıt KOBİM-in eksperti tərəfindən həştəqlərin seçilməsi və hədəf auditoriya ilə uyğunluğu, həştəqlərin məzmunla əlaqələndirilməsi və brend mesajının gücləndirilməsi barədə məlumat verilib. Eyni zamanda 17 nəfər iştirakçının olduğu təlimdə effektiv kampaniyalar üçün trend olan və orijinal həştəqlərin yaradılması, həştəqlərin monitorinqi və performans analizi, izləyicilərlə əlaqə yaratmaq və qarşılıqlı təsiri artırmaq üçün həştəqlərin istifadəsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.