Xəbərlər

Sumqayıt KOB İnkişaf Mərkəzi (KOBİM) tərəfindən "Elektron sahibkarlıqda liderlik" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Elektron sahibkarlıqda liderlik" mövzusunda təlim keçirilib. Noyabrın 24-də təşkil olunan təlimdə Sumqayıt KOBİM-in eksperti tərəfindən elektron sahibkarlıqda liderliyin rolunun müəyyənləşdirilməsi, innovativ liderlik və rəqəmsal transformasiya, e-ticarət biznesində strateji qərar qəbuletmə və risklərin idarə edilməsi barədə məlumat verilib. Eyni zamanda 5 nəfər iştirakçının olduğu təlimdə komanda qurma və uzaqdan işçi rəhbərliyi, müştəri yönümlü yanaşma və müştəri təcrübəsinin optimallaşdırılması, liderlikdə çeviklik və adaptasiya qabiliyyəti, elektron sahibkarlıqda etik liderlik və sosial məsuliyyət barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.