Xəbərlər

Sumqayıt KOB İnkişaf Mərkəzi (KOBİM) tərəfindən "Biznesə başla. Biznes planların alınması" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Biznesə başla. Biznes planların alınması" mövzusunda təlim keçirilib. Oktyabrın 30-da təşkil olunan təlimdə Sumqayıt KOBİM-in eksperti tərəfindən biznesə başlama prosesi və uğurlu bir biznes planının yaradılması üçün əsas addımlar, biznes planının bazar tədqiqatı, maliyyə proqnozları və strategiyanın müəyyənləşdirilməsi kimi komponentlərinin vacibliyi barədə məlumat verilib. Eyni zamanda 6 nəfər iştirakçının olduğu təlimdə investorların marağını cəlb etmək üçün effektiv təqdimat metodları barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.