Xəbərlər

Sumqayıt KOB İnkişaf Mərkəzi (KOBİM) tərəfindən "Biznesdə reklam və digitallaşma " mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Biznesdə reklam və digitallaşma " mövzusunda təlim keçirilib. Oktyabrın 16-da təşkil olunan təlimdə Sumqayıt KOBİM-in eksperti tərəfindən rəqəmsal marketinq strategiyaları, brendin digital platformalarda tanıdılması üsulları, sosial media marketinqi və reklam alətləri, və müştəri davranışının analiz edilməsi ilə satışın artırılması barədə məlumat verilib. Eyni zamanda 8 nəfər iştirakçının olduğu təlimdə digital reklam kanallarının seçilməsi və optimallaşdırılması, hədəf auditoriya üçün məzmun strategiyalarının hazırlanması barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.