Xəbərlər

Sumqayıt KOB İnkişaf Mərkəzi (KOBİM) tərəfindən "Biznesdə liderlik və onun təsir mexanizmi" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Biznesdə liderlik və onun təsir mexanizmi" mövzusunda təlim keçirilib. Noyabrın 23-də təşkil olunan təlimdə Sumqayıt KOBİM-in eksperti tərəfindən liderliyin biznesdə rolu, liderlik üslublarının təsir mexanizmləri və effektiv idarəetmə üçün lazım olan əsas xüsusiyyətlər barədə məlumat verilib. Eyni zamanda 6 nəfər iştirakçının olduğu təlimdə liderin komanda üzvlərinə motivasiya verməsi, qərar qəbuletmə bacarıqları və strateji düşüncə texnikaları barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.