Xəbərlər

Sumqayıt KOB İnkişaf Mərkəzi (KOBİM) tərəfindən "Biznesdə korporativ sosial məsuliyyət" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Biznesdə korporativ sosial məsuliyyət" mövzusunda təlim keçirilib. Oktyabrın 6-da təşkil olunan təlimdə Sumqayıt KOBİM-in eksperti tərəfindən korporativ sosial məsuliyyətin əhəmiyyəti, biznesin sosial və ekoloji təsirlərini idarə etmək strategiyaları barədə məlumat verilib. Eyni zamanda 7 nəfər iştirakçının olduğu təlimdə maraqlı tərəflərlə səmərəli əməkdaşlıq yolları, korporativ sosial məsuliyyətin brend imicini gücləndirməsi və uzunmüddətli maliyyə dayanıqlılığına töhfəsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.