Xəbərlər

Sumqayıt KOB İnkişaf Mərkəzi (KOBİM) tərəfindən "Biznesdə istehlakçı davranışları" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Biznesdə istehlakçı davranışları" mövzusunda təlim keçirilib. Oktyabrın 25-də təşkil olunan təlimdə Sumqayıt KOBİM-in eksperti tərəfindən istehlakçıların məhsul və xidmət seçimi zamanı göstərdikləri davranışlar, qərarvermə prosesləri və motivasiyaları barədə məlumat verilib. Eyni zamanda 7 nəfər iştirakçının olduğu təlimdə bazar araşdırmaları, istehlakçı ehtiyacları, alış vərdişləri və markaya bağlılıq yaradan faktorlar kimi anlayışlar barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.