Xəbərlər

Sumqayıt KOB İnkişaf Mərkəzi (KOBİM) tərəfindən "Biznesdə dəyərlər və maraqlar" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Biznesdə dəyərlər və maraqlar" mövzusunda təlim keçirilib. Noyabrın 21-də təşkil olunan təlimdə Sumqayıt KOBİM-in eksperti tərəfindən biznes dəyərlərinin müəyyənləşdirilməsi və əhəmiyyəti, dəyərlərin iş mühitində tətbiqi və qərar qəbuletmə, maraqların balanslaşdırılması və müştəri yönümlü yanaşma barədə məlumat verilib. Eyni zamanda 8 nəfər iştirakçının olduğu təlimdə etika və şəffaflığın biznesdə rolu, sosial məsuliyyət və davamlı inkişaf prinsipləri, dəyərlərin qorunması və uzunmüddətli uğur əldə edilməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.