Xəbərlər

Sumqayıt KOB İnkişaf Mərkəzi (KOBİM) tərəfindən "Biznesdə dəyərlər və maraqlar" mövzusunda təlim keçirilib

Sumqayıt KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzi (KOBİM) tərəfindən "Biznesdə dəyərlər və maraqlar" mövzusunda təlim keçirilib. Noyabrın 15-də təşkil olunan təlimdə Sumqayıt KOBİM-in eksperti tərəfindən şirkətlərin etik prinsipləri, korporativ sosial məsuliyyət, müştəri məmnuniyyəti və maraqlı tərəflərlə münasibətlərin idarə olunması barədə məlumat verilib. Eyni zamanda 6 nəfər iştirakçının olduğu təlimdə dəyərlərin təşkilat mədəniyyətinə təsiri və maraqların strateji məqsədlərlə uyğunlaşdırılması barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Sumqayıt KOBİM tərəfindən göstərilən bütün xidmətlər ödənişsizdir.